SERE VOU-VAQARA LELE-MATASERE-KABU KEI NADEREIVALU
Written by Mika Qalobula on December 8, 2023
KABU KEI NADEREIVALU-Na matasere oqo e lewena tiko o Bill Seru, Sanaila Nacola kei Noa Bainivalu,ka katona na sere oqo ko Adriu Saranuku ,e vuqa sara na sere rogo e ratou sa vakatagitaka oti e na noda Vanua ka o ni sa rogoca oti e na nomuni sala ni kakaburaki na Viti Fm.
VAQARA LELE-Oqo e dua ga na i talanoa ni dua na Kabani ni Taxi ka ratou veiqaravi tiko e na vanua ko Vusuya. Na kabani taxi qo e Kena i liuliu tiko o Ben, ka ra draiva voli kina na vei Turaga mai na duidui yasana ka wili talega kina o ira na vasu. E ratou veiqaravi voli e na Loma ni va na tikina ,ka wili kina o Kuku,Namata,Mokani kei Maumi.
E seretaki wale tikoga e na Sere oqo na totoka ni nodratou veiqaravi na taxi base oqo ka yacana tiko na “VAQARA KERE LELE TAXI ND TOURS”.Na nodratou veiqaravi sa bau daumaka ka rui totoka dina.
Na veiqaravi ni Vaqara Kele Lele Taxi oqo e cakacaka tiko e na 24 na auwa, ka ratou veiqaravi talega e Nausori, Suva me yacova sara nodratou veivakaleleci e na yasayasa vaka Ra kevaka e ra dau gadreva na veivuke na lewenivanua. E tau ni uca, cila ni siga se cagilaba na Vaqara Lele Taxi e tu vakarau tu me na veiqaravi vei kemuni na lewenivanua.
Ni o qiri suka mai se o gadrava me ratou kauta yani e dua na ka e na nomuni matanivale, ka mo ni qai sauma ga mai e na nomuni vale na i vodovodo kei na sau ni yaya, o Vaqara Lele Taxi e tu vakarau tu me na vukei kemuni.
VITI FM 92/92.2/92.4/92.6 FM-E KAMICA QAI KACHI!
I VUREVURE-BILL SERU.
