RATOU BEITAKI E LEWE 3 NI RATOU LABATA EDUA NA TURAGA YABAKI 45.
Written by Maikeli Radua on January 31, 2022
Rua na dauteitei mai na koro o Waitolu Naitasiri, kei na dua na tagane mai Kinoya eratou sa beitaki ni ratou labata edua na tagane yabaki 45 ka cakacaka tiko vaka security guard ena gaunisala na Brown Lane mai Nausori.
Beitaki qo o Emori Naqova,Semiti Vakatukai kei Vilikesa Delana ni ratou vakamatei Lorima Bativoli ena i ka 22 ni siga ni vula qo.
Ratou beitaki ena yadua na cala ni laba.
Beitaki talega o Delana ena dua na cala ni butako kei na veivakasaurarataki. E a butakoca o koya na kato nei Bativoli ka kena i sau e $50-00 ka vakadredretaka talega na nona lai vesu mai.
Esa vakadewataki mai na kisi qo ena mataveilewai levu e Suva me mai rogoci kina.
Kena i tukutuku matata o na rogoca ena Vitifm 92.2FM/92.6FM/92.0FM
