TETEVA NA FIJI PEARLS NA SASAGA QITO KI VALAGI – RAULUNI KEI MUALUVU
Written by Maikeli Radua on January 29, 2022
Sa bola na mua ki vanuatani ena vuku walega ni qito Netball. Talaci ena noa mai Nadi e rua na esi ni Fiji Pearls enai lakolako ni qito ki Kuinisiladi enai tagade ni Hart Sapphire series ka rau laki lewena na timi rogo na Northern Mendi Rays. Rau sa keba sara kina ni kua.
Vakasavuya na nona vakanuinui- vinakataki Unaisi Rauluni kei Ema Mualevu na noda dau ni veivakatavulici o Unaisi Rokoura ka nuitaka ni na laki rabailevu sara na nodrau kila-vakaqito ka na solia na bolebole kivei ira na vo ni goneyalewa mera kakua ni gu ce ena sasaga.
Kaya ni vunilewa ni Netball Fiji o Vivian Koster ni cibitaka dina nai soqosoqo na nodrau talave ena dua tale na tagede ni qito o rau na rua. Rau a se vakaitavi wale voli ga ena macawa sa oti ena Punjas Digicel Super Club Championship.
Sa vakavotukana na veiwekani vinaka e bucina na Netball Fiji kei PacificAus Sports, Netball Australia kei na Australian Department of Foreign Affairs & Trade kei Netball Queensland ena katuba levu sa mai dolavi qo me rau lewena na rua na Northern Mendi Rays.
Source: Netball Fiji
