Sa ka lailai tikoga mai na noda mona – Cava beka na vuna?

Ena dua nai tukutuku ka tabaki ena mona livaliva e laurai ni sa ka lailai tikoga mai na noda mona ka vaka toka oqo na kena vaka peritania – The brains of modern humans are around 13% smaller than those of Homo sapiens who lived 100,000 years ago.

Oqo e dua na ka era sega ni vakamacalataka rawa ni dau vakadidike se ‘researchers’.

Sa kilai tu ga ni noda mona e vakaduiduitaki keda kece mai vei ira na veika bula kece eda bula vata kaya ena ruku ni matanisiga oqo ka wili kina o ira na manumanu. Na veika eda rawata rawa mai na noda vakasama eda bulia kina na veika eda sa bulia oti kei na noda laki butuka sara na vula.

E veisivi  sara vakalevu na levu ni noda mona mai na nodra na manumanu ena loma ni 6 na milioni na yabaki ni noda bula ena vuravura oqo. Ia , ena vakadidike ka vakayacori tiko sa laurai kina ni vaka e sa ka lailai tiko mai na noda mona ena loma ni 100,000 na yabaki sa oti. Liutaka tiko na vakadidike oqo ko Ian Tattersall mai na American Museum of Natural History e New York.

source:bbc.com