SERE VOU-BULA SASAGA-CAGICOWIRI KEI AOTEA
Written by Samuela Turagatani on May 21, 2024
CAGICOWIRI KEI AOTEA-Na matasere vou ka ratou lewena tiko e lewe tolu na veitokani, ka ratou vakaitikotiko mai Wellington e Niusiladi. Na yaca ni matasere na Cagicowiri kei Aotea, kena i liuliu tiko ko Esava Tiko ka
lewena tale tikoga na matasere oqo ko Deni Caucau vata kei Uraia Cokanauto.
BULA SASAGA-Na sere qo na ‘Bula Sasaga’ e talanoataka tiko ga na bula e a lako curuma mai na liuliu ni matasere oqo na Cagicowiri kei Aotea, mai na nona tu vakararavi tu me yaco ni tadola vei koya na gauna me lako kina i Niusiladi, ka sa tiko tudei kina e na gauna nikua. Kemuni na turaga kei na marama na turaga qo o Esava Tiko ka liutaka tiko na matasere oqo e a lewena tale ga na timi rakavi lewe ya vitu ni noda vanua e na yabaki 2001. E na vuku ga ni taledi e na rakavi ka sa mai rawata tu kina na nona bula e na siga nikua.
VITI FM:92.2/92.4/92.6/92.0 FM-E-KAMICA-QAI-KAJI
I VUREVURE:CAGICOWIRI KEI AOTEA
