Sainitaka o Hooper me lewena na timi ni rakavi lewe yavitu ni Ositerelia.
Written by Atu Kurumudu on September 4, 2023
Dua tale na katuba vou e tadola vei Michael Hooper ka rawa ni sainitaka na nona konitaraki kina Rugby Australia ka lewena na kena timi kina sotasota ni qito rakavi lewe yavitu ni yabaki 2024.
Lutu na yacana ena timi nei Eddie Jones kina Rugby World Cup ni yabaki oqo. Sa mata-taka oti vaka 125 na timi ni Wallabies o Hooper ena valataki vanua.
Ke toso vinaka nona qito, sa na rawa talega vua me vakaitavi ena Olympic Games e Parisi ena yabaki mai oqo.
Hooper ena muri ira na dauqito rakavi 15 kara qitora talega na lewe ya vitu ena sotasota levu ni Olympic games me vakataki Sonny Bill Williams, Samu Kerevi, Cheslin Kolbe kei Semi Radradra.
Dua talega e nanumi tiko mena vakaitavi kina Antoine Dupont na halfback vakadomobula ni Varanise.
source:smh.com.au
