VEIVAKADEITAKI O RAIWALUI ME BALETI VITI KEI WELESI E NA SOTASOTA LEVU NI VURAVURA

E Vakaraitaka na dau-ni-veivakatavulici ni timi ni FIJI Water Flying Fijians Simon Raiwalui, ni dua na i tukutuku ni veigauna vinaka e tiko me baleti Viti kei Welesi e na sotasota ni Rugby World Cup, ia, e ratou sa vakarau tu na cauravou kina qito e na Moniti mai oqo.

Na noda mata timi ni Viti e sa qito oti vaka-4 kei na timi ni Welesi e na sotasota ni vuravura, oqo e wili talega kina na nodratou qaqa e na yabaki 2007.

E tukuna o Raiwalui, ni dina ni rau sa sota mai vakavica, ia, e sa duatani na timi, ka duatani talega na vakasama. Tomana o koya ni ratou sa tu vakarau tu na cauravou kina sotasota ni vuravura.

Na matai ni qito nei Viti e na sotasota ni World Cup, rau na calidi kei Welesi e na 7 na kaloko e na mataka ni Moniti mai oqo. Ia, rau na doladola tiko, na timi ni Varanise kei All Blacks ni sivi na 7 e na 15 na miniti e na mataka ni Vakarauwai oqo.