SERE VOU- DODOMO AU KILA-TEVITA BULAI
Written by admin on May 18, 2022
“DODOMO AU KILA”- na sere oqo e lagata na cauravou ni Nakorovou,Dreketi mai Rewa ka dabe tiko ena i tutu lagilagi ni naba 1 ena DIGIDIGI DAMUNI [tuva sere e 5]ena yakavi nikua ena VITIFM.
Na sere oqo e talanoa taki kina na nodrau a veikilai e dua na cauravou mai na Vualiku kei Tailevu,ka lewena tiko na Mataivalu ni noda vanua,kei na dua na goneyalewa ni Welagi Taveuni ka veiqaravi tiko vaka Nasi.
Esa veivolekati na veikilai ka rau sa laki veidomoni sara ka tuvalaki nai tuvatuva ena vakanuinui ni na laki tauyavu edua na vuvale vinaka.Sa nanuma sara ko Cauravou me sa lakovi vakavanua o Goneyalewa ni sa voleka tiko mai na gauna me sa biubiu kina ena vuku ni veiqaravi ni veisaututaki,ia eratou a qai tukuna na nona qase mai nakoro me se bau lesu mada mai na Bucanivalu,me rawa ni ratou vakavakarau vinaka ,qai rawa ni na laki duguci mai na marama oqo.
Sa ma ni laki veiqaravi o Cauravou ena Bucanivalu,ka sa tu na veidinadinati kei Goneyalewa,me rau na laki dui maroroya na nodrau dui dina me yacova na gauna ena lesu mai kina ka me rau na qai mai vakamau.E sega ni dede na nona veiqaravi voli mai na bucanivalu,sa dau vakilana veiyawaki ni qiri,ka sa dau levu na ulubale e sa dau soli tiko yani ka kidacala ena dua na siga ni sa raica ni sa veisau vakasauri na Profile Picture kei nonai tau ka ni rau sa taba vata tale tu keina dua tale na tagane ka sa vakabauta ni sa i nona karua.
E sa mani qai cava koso i kea na veidomoni totoka oqo,ka qai vakaraitaka na cauravou oqo edua nai vosavosa ka ratou dau kilai tani kina mai na Vualiku kei Tailevu ka tiko talega ena loma ni sere oqo-“DAVO NA QORIA,KEITOU DAU WARAI NI LESUVIA”
Vakarorogo mai ena VITIFM 92.2fm,92.6fm kei na 92fm.
VITI FM – E KAMICA QAI KACHII….
