SERE VOU-FOURTUNETZ-NOMU YANI.

FOURTUNETZ-Oqo na yaca ni Matasere oqo,ka kau mai na ena vosa vakaperatania na ‘FORTUNATE’,ka kena i balebale beka vaka iTaukei me ‘Sotava na Kalougata’,ka qai biu ga kina na naba 4 (FOUR) me vaka na kedratou i wiliwili na lewe ni Matasere oqo.

Na Matasere oqo e Ratou lewe 4 na cauravou eratou kune mai ena i vatavata ni Social Media oqo na Facebook. Qo e a rawa ena kena vaqarai (Online Talent Search) me dua na Boy-Band vou meratou na sainitaki vakakonitaraki (Contracted Artist) ena Record Label na Spotlight Entertainment Fiji.

Na record label oqo e a tauyavutaki ena 3 na yabaki sa oti ka lewena tale tiko ga eso na Artist/Band rogo e Viti me vaka na Yanu Boyz, Josa, Etta Gonerogo kei na so tale,ka oqo beka me matai ni Matasere e biuvata vakaoqo, eratou a biuvata ka veikilai ena Facebook Messenger ena vula ko Evereli (2023),ka ratou qai mai sota ena matai ni gauna e Suva ena vula ko Okosita.

E ratou mai vulica vata na sere oqo ka katoni sara ena Seviteba.,ka Via dredre toka vakalailai na nodratou toso me baleta ni ratou dui vaka i tikotiko e veiyasai Viti Levu. Dua e tiko e Suva, rua e tiko e Nadi…ka dua e cakacaka tiko mai Malolo.

Na yacadratou na cauravou ko:
1. Nick Biraki (cavutu mai Naisisili, Nacula, Ba)
2. Milikiade Mainavatuiwai (cavutu mai Karoko, Tunuloa, Cakaudrove)
3. Ben Musuvanua (cavutu mai Nasekula, Labasa, Macuata)
4. Peni Baleinadakai (cavutu mai Sese, Saqani, Cakaudrove)

NOMU YANI-Na yaca ni sere (Debut Single) oqo na ‘Nomu Yani’ ka vola e dua na gone ni Rabi ko Temaka Anganaki, ka katona ko Phil Dakei ena Tiny Sounds Studio e Suva. Na sere oqo e seretaka tiko ga na nona domona tiko e dua na goneyalewa totoka e dua na cauravou,Ka me vakavinavinakataka tiko na nona sa mai kune kalougata ni sa mai kune rawa tu e dua na nona i tokani vinaka.

VITI FM 92/92.2/92.4/92.6 FM-E KAMICA QAI KACHI!

I VUREVURE-FOURTUNETZ