SERE VOU- NA LEQU JUVOU NI YAKUILAU .

“NA LEQU JUVOU NI YAKUILAU .”

Composer: Stee Seru kei Rupeni Tubuna Ligaqaqa
E mai katona na matasere e rua na Voqa Kei Valenisau ena veiluitaki maqosa nei Rupeni Tubuna Ligaqaqa ,Kei na Waikatakata Vure mai vei Lemeki Tuinidau .

Vocal List : second Rabuka
Domo 3 – Lemeki Tuinidau kei na domo ni lagalaga Rupeni Tubuna Ligaqaqa.

Music sound engineer: Adriu Saranuku kei Wise Rogoyawa .

Video Production: Rups mai na 21 Void.

Oqori na kedrau i  talanoa e  dua na matavuvale,ka rau dui vakawati mai na turaga kei na marama qo ,  ka rau dui vakaluveni talega mai e  kavoro ruarua mai na nodrau matavuvale. E rau cakacaka vata ga na turaga kei na marama qo ,rau sota rau veikilai ga ena vanua ni nodrau cakacaka ka rau  sa mani veitalanoa bucini ka vakadeitaki me rau sana vakawati. E yaco na gauna me sa vakaluveni  o yalewa mani mai sucu ka sa vakadei ni nodrau veiwatini. Ia ,rau dui kauta mai na dui luvedrau kece ka ratou lewe 11 kece,e mani mai sucu na luvedrau qo me kenai ka 12. E  sa I vakadei ni nodrau matavuvale , vuvale mamarau ,vuvale vutuniyau ena loloma mani mai buli kina na sere me baleta na dredre rau dui lako curuma mai sa mai vakadeitaki tu nikua .

Na turaga  e e talanoataki tiko ena sere qo e  turaga ni Nadroga , ka  susu mai Nakorotubu, Nalawa mai Ra , ia e vasu e Koro Lomaiviti ,o  vuni marama e marama  ni Narewa mai Nadi ka vasu ki  Naila,  Bau ena Yasana o  Tailevu. E rau dau veikacivi ena Koica Levu ,io na kedratou I cavuti na marama ni Nadi e  Narewa “Na JUVOU NI YAKUILAU ” me vaka e vakatokayacataki ena  sere vou qo. 

E rawa ni o rogoca mai ena VITIFM 92.fm/92.2fm/92.6fm 

E KAMICA QAI KAJI!

SOURCE- Rupeni Tubuna Ligaqaqa