SERE VOU-RAVURAVU DRUA-CAGI NI DELAI YATOVA FT TALEI SOKOIWASA

CAGI NI DELAI YATOVA-Na matasere rogo e na noda vanua ka kena i liuliu tiko ko Ledua Cakacaka, ka vuqa sara na nodratou sere ko ni sa dau rogorogoca tiko e na Viti Fm.

TALEI SOKOIWASA-Na marama ka kilaitani talega  e na buturara ni veivakamarautaki e na lagasere, ka vuqa na nona katokatoni ko ni sa dau rogorogoca tiko e na nomuni sala ni kakaburaki na Viti Fm.

RAVURAVU DRUA-E buli walega na sere oqo me i vakavinavinaka walega vei ratou na noda mata timi ni Fijian Drua, ka me kedratou i vakananumi talega na mata timi ni Fijian Drua. E na yabaki sa oti 2023 e ratou vakaraitaki ratou saraga kina na mata timi ni Fijian Drua e na buturara ni sotasota ni Shop N Save Super Rugby Pacific ka ratou yacova kina na i vatavata ni kota fainala, ia na yabaki qo e vakasakiti sara tiko na nodratou qito na cauravou ka sa tu na noda vakanuinui na lewe i Viti ni na rawa ni yacova tale na noda mata timi ni Fijian Drua e dua tale na i vakatagedegede.

E buli talega na sere me i vakavinavinaka ni nodratou vosota na cauravou na oca,mosi, ka vaka kina e na kena dau biu tu na vuvale e na vuku ni nodratou matataka tiko na noda vanua lomani o Viti e na sotasota levu ni Shop N Save Super Rugby Pacific.

VITI FM:92.2/92.6/92.4/92.0 FM-E-KAMICA-QAI-KAJI

I VUREVURE:TALEI SOKOIWASA