SERE VOU-SAMUELA DAULAKEBA-E VEILAUTI DINA
Written by Mika Qalobula on July 6, 2023
SAMUELA DAULAKEBA-Na turaga oqo e cavutu mai na koro ko Sinuvaca,Koro mai Lomaiviti,ka vica talega na nona sere e dau vakatagitaki tiko yani ena nomuni sala ni kakaburaki oqo na VitiFm.
E VEILAUTI DINA-Na sere oqo e talanoataki kina na veisau ni draki ni bula eda sa lako curuma tu ena gauna nikua,vakabibi ena noda Viti ena kena sa vaka me seavu yani vakamalua na veika eda kilai tani kina na kawa I-taukei.
E talanoataki vakamatailalai ena sere oqo,na veisau ni gauna kei na veika e kauta mai ko vuravura vei keda ka sa vaka meda sa ciqoma vakarawarawa,ka sa nanumi me sa taurivaki.
Na veiveisau ni noda ikotikoti,ka vakabibi vei ira na noda marama ena kena sa yali tiko yani vakamalua na buiniga totoka ni marama Itaukei kei nai sulu kei na jaba ena vanua ni soqo.
Oqo e dua na ka bibi e talanoataki tiko ena sere oqo ena kena sa rawa ni tukuni ni sa seavu tiko yani vakamalua na noda i tovo na Kawa Itaukei.
VITIFM-92FM/92.2FM/92.6FM-EKAMICAQAIKACHI!
I VUREVURE-SAMUELA DAULAKEBA
