TAUBENI VEI FR.ALAN FINN NIKUA NA METALI CECERE DUADUA E VITI NA HONORARY COMPANION OF THE ORDER OF FIJI

Written by Mika Qalobula on July 7, 2023

E soli nikua vei Fr.Alan Finn na metali cecere duadua ena noda Viti,sai koya na ‘HONORARY COMPANION OF THE ORDER OF FIJI’,ka mai solia ka daramaka, vua na Turaga na Peresitedi ni noda vanua vanua, o Ratu Wiliame Katonivere.

Na metali oqo e soli ki vei Fr Finn ena vuku ni nona veiqaravi kei na soli bula ena kena i vakatagedegede duadua i cake ena loma ni 6o na yabaki sa oti ena loma ni lotu kei na bula raraba ena noda Viti.(For Eminent achievement and merit of the highest degree in service to Fiji or to humanity at large and the 60 years of dedicated service to the church and Fiji)

O Fr.Alan Finn,e sa yabaki 90,ka cavutu mai na vanua levu o Ositereli, ka Turaga ni Bete ni lotu Ekelesia Katolika e Viti ka veiqaravi tiko ena gauna oqo ,ena koronilotu na St.John the Apostel Parish mai Natovi,ena Vualiku kei Tailevu.

May be an image of 2 people, dais and text

E a se gole sara mai na noda vanua o Fr.Finn ena 1965,ena vuku ni veiqaravi,ena loma ni lotu,ka sotava kina e vuqa sara na dredre ena kena sagai me vakatetei nai tukutuku vinaka i jisu ena noda vanua,vakabibi ena nona dau lakova na vei koro vakaviti,cabeta na vei ulunivanua,takosova ka kena veitokaitua,laki moce sara ena kena bure vakaviti, ka sega vakadua ni guce enai kacikaci e sa kicivi kina ,me yacova tu mai nikua.

E sega walega ni veiqaravi ena loma ni lotu,ia,e bau vakaitavi talega ena veivakaduavataki ni veimatalotu ka semati ena veivaqaqacotaki mai na matanitu ka levu sara na porokaramu ka taracake na bula ni lewe ni vanua e Viti vabibi, ena kena tara e so na koronivuli.

E ra osota yani na lewe ni vanua kei ira na lewe ni lotu Ekelesia Katolika mai Natovi na soqo bibi nikua,ka ra tiko talega kina na gonevuli mai na St.Vincent Primary Sachool,kei na St.Vincent College.