SERE VOU-TALANOA NI GAUNA-CAGI NI DELAI YATOVA FT BALE KOROI & TUMUDU
Written by Mika Qalobula on May 16, 2023
Cagi ni Delai Yatova ft Bale Koroi & Tumudu-O Ledua Cakacaka nai liuliu ni matasere na Cagi Ni Delai Yatova e lagata vata na sere qo na Talanoa Ni Gauna kei rau na veitamani mai Mavana, Vanuabalavu o Bale Koroi kei Tumudu ka rau sa vakaitikotiko tudei mai Brisbane.
Talanoa ni Gauna-Na sere oqo e talanoa tiko kina e dua na Marama ena veika e a lako curuma ena nona gauna ni bula vaka goneyalewa.
Ni se qai yabaki 19 na goneyalewa qo, sa qai soli me vakamau taki vakavanua, se nodra gaunisala ni vei vakatikori na matua.(Fixed Marriage),ka me rau vakamau kei na dua na cauravou ka tiko vakayawa sara mai Serene,Ositerelia ka rau se bera vakadua ni se bau veirai se veitalanoa madaga.
Sa dua na ka na nuiqawaqawa levu e tarai goneyalewa oqo,ka ni sega ni kila na veika ena laki lako curuma ena loma ni nona bula vakawati.
Ia,e qai sega ni lai taucoko na bula ni nona vakawati na goneyalewa qo,ena loma ni 7 na yabaki ni lai kune rarawa voliga kei na luvena,ka ni rau dau biu tuga ena veisiga ka yali tu o Tamadrau.
Ni sa oti e 7 na yabaki ni nodrau bula rarawa voli mai Serene, sa nanuma na Marama qo me rau sa gade mada ena siganisucu kei na tawase ni yabaki ki na nona Delaniyavu.
Ena nodrau gade mai qo ,qai mai sotava kina e dua na Cauravou totoka ka kauta vakadua saraga na yalona.
E maucokona ka taucoko na sota oqo ka yacova me vaka votukana na veikilai ka bucini kina e dua na nodrau matavuvale vou ka rau veilomani vinaka me yacova mai na gauna saraga oqo ka rau sa vakaitikotiko tudei sara mai na vanualevu o Ositerelia na Vuvale vou oqo.
Na vakanananu oqo ka nanuma na goneyalewa oqo me mai buli kina e dua na sere mei talanoa tu ni veigauna e lako curuma ena nona bula vaka goneyalewa,ka vakavuvuli levu vei kemuni kece nai tubutubu,ka moni yalo vinaka moni kakua ni dau solia vakarawarawa na luvemuni goneyalewa ena gaunisala ni vei vaka tikori vaka matua se (Fixed Marriage)baleta ni na rawa ni yaco kina na kavoro,na mavoa ni yalo kei na yago ka rawa ni na vakaleqa sara kina na bula soli wale qo.
VITIFM 92,2/92FM/92.6FM-EKAMICAQAIKACHII
I VUREVURE-BALE KOROI & TUMUDU
