SERE VOU-VUNIDAWA REDS-DAWA KAMICA KEI LOMA NI TOBA
Written by Mika Qalobula on May 17, 2023
DAWA KAMICA KEI LOMA NI TOBA-Na matasere qo e liutaka tiko o Nacanieli Ravula,ka cavutu mai na koro vakaturaga o Koronatoga,Navatu mai Cakaudrove.
VUNIDAWA REDS-Oqo e dua na sere e bulia o Nacanieli Ravula me vaka nona veiqaravi tu mai ena Otela na Club Fiji mai Nadi.Mai kea sa qai raica, ni levu era post tiko ena volamata mai nona koro me baleta na nodratou mata timi ni qito rakavi lewe ya vitu,oya na mata timi ni Vunidawa Reds.
Sa bucina e lomana o Nacanieli Ravula me vola dua na sere ni mata timi ni Vunidawa Reds me vaka ga ni ratou tauyavutaki tu na timi ena dela ni sega saraga ni dua na ka e tu veiratou,ka sa dua na ka na nodratou sasaga cake tu mai me ratou bau lasika cake ena buturara ni qito rakavi ena noda vanua.
Ia ena dela ni sega ya qai raica o koya ni matai ni nodratou lai qito na mata timi qo ena sotasota ni Fiji Bitter Sevens ka vayacori mai Labasa e ratou qai yacova sara na Fainala,ka vakatalega kina e vica tale na sotasota e caka mai vanualevu e ratou yacova tiko na Fainala ka ratou rawata sara e vica na kena bilo se kena i cocovi,ka ratou bau mai vakaitavi taki ratou talega ena sotasota levu ni Marist Sevens.
VITIFM 92.2FM/92FM/92.6FM-E KAMICA QAI KACHII
I VUREVURE-NACANIELI RAVULA
