SERE VOU – VOQA KAMICA KEI NAKARIA – NA NOQU DINA.
Written by Mika Qalobula on March 1, 2024
”VOQA KAMICA KEI NAKARIA’ – Na matasere oqo eratou cavutu mai na koro vakaturaga o Yako,mai Nadroga ka vuqa na nodratou sere me vaka na sere na ‘ROSI NI YAKO’kei na vuqa tale na sere edau vakatagitaki ena VITIFM.
E liutaka tiko na matasere oqo o Sam Vurai ka ratou lewena tiko o Nem Vunileba, Rt Meli Nalumekata kei Abizz Rokotabutabu,ka sa bau totoka dina na veilomani ni domodratou.
Na sere qo na ‘NA NOQU DINA’e kena sere dua na goneyalewa ni Dakuinuku Sawakasa Tailevu ka cakacaka tiko ena valenibula levu e Lautoka, ka rau a veimusumusuki tu kei na dua na cauravou ni yasana vakaturaga o Namosi.
Ni oti e lima na yabaki nodrau veivosaki,sa mani gole o cauravou ka laki cakacaka ena ruku ni Porokaramu ni veiqaravi ni NEC i Niusiladi,ka sa tataunaka tu ga mai o cauravou ni Namosi qo vua na goneyalewa ni Dakuinuku qo, me rau dui maroroya na DINA .
E tukuni ni kaukauwa ni nodrau dau veimositi ena talevoni me vaka ni rau se bera vakadua ni sota,ni rau dau masu vata ena talevoni ena kaukauwa ka vakatakilai votu na nodrau maroroya na nodrau veidinadinati.
Sa toso na veidomoni ka sa tukuna o Cauravou ni sa na lesu mai ena vula o Okotova me rau sa qai mai vakamau,ka wawa tiko ga o gone yalewa me vaka ni sa na sobu tiko mai o Cauravou enai otioti ni macawa ni Sepiteba.
Ia ni qai qiri yani o goneyalewa ni sa yacovi yani na vula o Okotova,ka sa sauma jiko mai na talevoni o nona karua ni rau sa veidrotaki oti kei na cauravou ni Namosi qo.
Sa dua na ka na kena mosi dina vei goneyalewa,ka sa qai mani kerea mai kina me buli e dua na sere ni sa rui mosi dina na veika e vakayacora nab cauravou ni Namosi qo ka qai mai bulia kina sere qo NA NOQU DINA .
VITIFM 92.2FM/92FM/92.6FM/92.4FM – E KAMICA QAI KACHI!!!!
