SERE VOU – VOQA KEI MUNIA – MEREONI SOLEINALACA
Written by Mika Qalobula on April 25, 2022
E mai katona e dua na nona sere vou o Josateki Wainiqolo kei na matasere na ‘VOQA KEI MUNIA’,e dua na nodratou sere vou ka talanoataki kina na bula nei ‘MEREONI SOLEINALACA’.
Na sere vou qo e talanoataki kina na bula nei Mereoni Soleinalaca, na gone yalewa ni Nasilai , Rewa ka vasu i Natauloa, Nairai , Lomaiviti.
E duabau ga na luvena sa i John Vuli Rokoqica ka dau vakamareqeta,ka kilai talega ni yalewa yaloyalo vinaka e vale ni vuli kei na nona vanua ni cakacaka.
E a mai leqa ni se qai yabaki 30 ka leqa enai ka 3 ni Evereli,2011 ena vuku ni tauvimate e a tauvi koya.
Na sere qo e votai vabibi vei rau nona tubutubu o Mereoni i Los Angeles , Tuimateo Koroiveibau kei marama tinana o Dise Uluiviti Koroveibau, ganena qase duadua Tuvula koroiveibau, na tacina o Ema Koroivabau i Maryland,Amerika vakabibi vei nona cauravou ,O John Vuli rokoqica kei ira kece na wekana i Viti kei mai na vei yasai vuravura.
E rawa ni o rogoca na sere oqo ena Vitifm 92.2fm,92.6fm kei na 92fm.
