TADU MAI ENA NODA VITI NA TURAGA NA KOVANA MAI OSITERELIA.
Written by Mika Qalobula on April 25, 2022
Era tavaki mai na rara ni waqavuka mai Luvuluvu na nodrai veisiko mai vakamatanitu ki Viti na turaga Kovana levu mai Ositerelia His Excellency David Hurley kei na marama watidra o Mrs Linda Hurley.
E a laki veitavaki vei rau na veiwatini nai liuliu ni noda matanitu o Voreqe Bainimarama,na marama na watina o Mary Bainimarama,na Minisita ni Tataqomaki o Inia Seruiratu,na Komisina ni Ovisa o Brigadier-General Sitiveni Qiliho,na mata ni noda matanitu ki Ositerelia o Luke Daunivalu kei na Komisina ni ovisa ena wasewase e loma o Josefa Navuku.
Na veiqaravi vakavanua ki vua na kovana kovana ena qai qaravi tikoena siga ni mataka, ena vuku ni nona gade mai vakalekaleka ena noda vanua,ka na qai gole sara me rau na laki sota kei na Turaga na Paeresitedi ni noda vanua o Ratu Wiliame Maivalili Katonivere ena nona i tikotiko na Peresitedi.
Source – Fiji Government.
