SERE VOU – NA CA LEQU CALA – BUA BOI YAWA NI ULUIQERE

‘BUA BOI YAWA NI ULUIQERE’ – Na matasere oqo we ratou cavutu mai ena loma ni koro vakaturaga ko Naveyago,ena loma nio tikina ko Naqalimare ena yasana ko Nadroga/Navosa.

E ratou lewena tiko na matasere oqo o Joseva Kurodugu,Tevita Naodele kei  Onisimo Taukei ka katoni ena domo ni vakatagi totoka nei Wise Rogoyawa.

‘NA CA LEQU CALA’ – Oqo na i talanoa ni sere me baleti rau e dua na veitau ka kaukauwa sara tu ga na nodrau veitalanoa.

E rau veitauvutaki kaukauwa na 2 oqo,me vaka ni o yalewa e goneyalewa ni Kadavu ka cavutu mai o cauravou mai Navosa,ka bucini na nodrau veidomoni ena gauna e a gade yani kina o cauravou ki Kadavu,ka mani rau qai lai sota kina kei nona Tauvu.

Sa laki balavu sara na nona gade o cauravou ka via laki sivia sara e dua na vula,ka sa sa bau kaukauwa sara ga na nodrau veivinakati,me yacova saraga na nona biubiu mai o cauravou,ka rau sa dui veisoli naba ni talevoni sara, me sala  tiko ni nodrau veitaratara.

E na veiyawaki ni vanua rau dui tu kina,sa dau vakavolekati rau ga na nodrau dau veiqiriti ena veisiga ka vakaukauwataka sara vakalevu na nodrau bula ni veidomoni, me vaka ni  rau dau veiqiriti mai na mataka me yaco sara ena bogi levu.

VITI FM 92.2FM/92FM/92.6FM.

VITIFM -E KAMICA QAI KACHI!!!

Source – Bua Boi Yawa Ni Uluiqere.