Tekivutaki na sotasota sigatolu ni Tabadamu 7’s.
Written by Atu Kurumudu on August 25, 2022
Era sa maqusa na veitimi kara qito tiko ena sotasota levu ni 1st Fiji Bitter Tabadamu Rugby 7’s. Ena tolu tiko na siga ni sotasota oqo ka sa mai tekivutaki tiko ena mataka nikua , tomani ni mataka – Vakaraubuka kana laki vakacavari tiko ena siga Vakarauwai.
Levu sara na veitimi rogo ena noda vanua era mai vakasota tiko ena sotasota oqo me vaka na Police Blue, Fiji Bitter Tabadamu , Waimanu Rugby , Wardens Gold , Police White kei na vuqa tale. Tiko talega na vetimi kara na solia tiko na veiqati vinaka vei ira na timi lelevu me vaka na Fiji Bitter Mokani, Western Force , Samurai Barracudas, AJ Pallets Ba River kei na Tuva Youth.
E 48 kece na timi ni tagane era na veiqati, 12 na timi ni marama kei na 24 na timi ni under 21. Era na vakaitavi talega na goneyalewa ena qito netball ka 16 na timi levu kei na 6 na timi ni mixed netball se na timi veicurumaki.
Vei kemuni na via laki sara qito , nai curucuru vei kemuni na qase e 5 na dola gone e 3 na dola.
Vakaraubuka ni mataka curucuru vei kemuni na qase , 5 na dola , gone e 3 na dola kei na Vakarauwai sa veisau me 10 na dola na qase ka 3 na dola na gone.
Sema tikoga mai ena Vitifm ena macala ni qito ka sarava talega na itaba ena facebook page ni Vitifm.
source:Vitifm
