VAKADEITAKI NA NODRATOU SA NA CAKACAKAVATA NA -THE PEOPLES ALLIANCE PARTY/NATIONAL FEDERATIONS PARTY KEI NA SODELPA-.
Written by Mika Qalobula on December 20, 2022
E ratou sa na tauyavutaka na noda matanitu vou ka na cicivaki keda yani ena loma ni 4 na yabaki mai oqo,na soqosoqo vakapolitiki na ‘THE PEOPLES ALLIANCE’,’NATIONAL FEDERATION PARTY’ kei na ‘SODELPA’.
Na veivakadeitaki oqo e vakayacori ena yakavi nikua ni oti na kena veitalanoa, ka liutaka ko Anare Jale nai vukevuke ni Peresitedi ni Soqosoqo vakapolitiki na Sodelpa.
E vakaraitaka o Anare Jale ni a vakayagataki na secret ballot ka lewe 16 vei ratou na nodratou management board e ratou digitaka na vakamau kei na ‘The Peoples Alliance kei NFP,ka ratou lewe 14 e ratou digitaka na vakamau kei na Fiji First Party.
E tomana na nona i tukutuku ni ratou a veitalanoa nikua e na vica na auwa na lewe ni nodratou board,ka sega soti ni cakacaka rawarawa na kena mai vakayacori na vakatulewa oqo,ni vakatulewataki kina na veika me baleta na VITI vinaka, ni mataka.
Na Fiji First Party e liutaka yani na kena i liuliu o Voreqe Bainimarama ena vuku ni veitalanoa nikua,ia,na The Peoples Alliance e ratou matataka yani o iratou na veiliutaki ena i soqosoqo kei Pro.Biman Prasad,nai liuliu ni National Federation Party.
VITIFM – E KAMICA QAI KACHI!!!!
VITIFM 92.2FM/92FM/92.6FM
Source – Fiji Village.
