VAKADONUYA NA KEBINETI NA KENA VAKAYACORI NA VAKADIDIKE ENA NODA VANUA
Written by Kelera Rokocula on September 3, 2023
E sa vakadonuya na kebineti, na kena vakayacori ena noda vanua na kena vakadikevi na mariwana me vakayagataki me wainimate.
E tukuna na Prime Minister o Sitiveni Rabuka ni veiqaravi ni vakadidike oqo ena raica tiko vakatabakidua o Manoa Kamikamica, na vukevuke ni Prime Minister ka Minisita ni veivoli.
Tomana o Rabuka ni gauna oqo ena noda vanua e sega ni tiko e dua na lawa ena kena teivaki na mariwana se buli me wainimate.
E kaya, ni na veitalanoataki tale ena loma ni bose ni kebineti na veitukutuku matailalai ka sa vakasokumuni vata mai ena vakadidike oqo, ena qai laurai ka dikevi na veika me veisautaki kina na lawa kei na kena biuvata e dua.
E ratou vakatututaka na Fiji Council of churches ena vula o Evereli ni yabaki oqo me vakatarai na kena vakayagataki na mariwana me wainimate.
Oqo na na veivakadeitaki mai na kena vakayacori na bose ni kena veitalanoataki na vakatutu ni matanitu.
https://www.fijivillage.com/news/Cabinet-agrees-for-a-feasibility-study-to-be-done-in-Fiji-for-medicinal-marijuana–4f8rx5/?fbclid=IwAR20-kCONFVUY0zEiX7C1hRwWxbKkyTF8BTvGUxoTESEWer4cd73AI7wiTo
I vurevure: Fiji Village
