VAKALAILAITAKI NA KAUKAUWA E TIKO VEI I RATOU NA TABANA NI CURUVANUA
Written by Mika Qalobula on October 13, 2023
E sa vakalailaitaki tiko na kaukauwa e tiko vei i ratou na Tabana ni Curuvanua se Immigration e na kena vakatarai e dua me volai ki na i Vola Ni Kawabula, ka ra sega ni ra lewenivanua dina e Viti.
Oqo e salamuria na kena sa mai sainitaki e dua na veidinadinati, mai na Taba-cakacaka ni I- Taukei kei na Tabana ni veika ni vanuatani kei na Tataqomaki e na yakavi nikua.
E tukuna kina na Vunivola Tudei ni veika mai vanuatani kei na Tataqomaki o Mason Smith , e na ruku ni veidinadinati oqo e rau na cakacaka vata na Tabana e rua oqo, e na kena dau soli na veivakadonui ki na Tabana ni curuvanua e na kena vakayagataki na drau ni veva ni mona livaliva ni VKB.
Ia e tukuna na Vunivola Tudei ni Taba-cakacaka ni I Taukei Affairs o Pita Tagicakirewa ni dua na siga lagilagi na siga nikua, me vaka ni oqo e dua na i rairai ni kena vakatakilai na veika me baleti keda na lewe i Viti.
I VUREVURE:FIJI VILLAGE
VITI FM:92.2/92.6/92.4/92 FM-E-KAMICA-QAI-KAJI
