VEIVAKADEITAKI NA CEO NI TABANA NI BOKO BUKA E NA NODA VANUA E NA VUKU NI KAMA KA VU TIKO MAI NA YAYA VAKALIVALIVA
Written by Mika Qalobula on October 13, 2023
E tukuna na CEO ni Tabana ni Bokobuka o Puamau Sowane ni dua na ka bibi koya e vakavuna tiko na kama e na noda vei-tikotiko, oya na yaya vakalivaliva era sa volitaki tu e na gauna oqo, ka vakatoka o koya me cheapline ka vakakina na kau ni vale era sa vakayagataki tu e na gauna oqo e na kena tarai e dua na vale ka sega ni dodonu me vakaweleweletaki.
E vakaraitaka o Sowane na i tukutuku oqo ni oti na nona vakatarogi mai na neitou Tabana ni rogo na fijivillage ,se cava na vuna e sa dau vakaraitaki tikoga e na nodratou rivote ni vu ni kama oya na leqa vakalivaliva.
Ia e tukuna ni sega walega ni vu ni kama tiko e na gauna oqo na leqa vakalivaliva, e vu talega mai e na kena dau vakaweleweletaki na vakasaqa e dau vakayacori e na noda vei-valevale.
E tukuna ni ratou sa biuta vata e dua na nodratou I tuvatuva ni vei-vakararamataki ,ka me na qaravi tiko e na loma ni 5 na yabaki, ka usutu ni parokaramu oqo oya na kena vakayacori e so na vuli vei ira na lewenivanua era tiko e na noda veikorokoro ka vakatokai me fire warden training.
E tomana ka tukuna ni ratou sa biuta vata tiko e dua na nodratou vakatutu ki na Palimedi e na kena vakarautaki mai e dua na cabinet paper, koya me rawa ni vakaukauwataki ira na nodratou Tabana e na kena tarovi na volitaki ni veiyaya vakaoqo.
I VUREVURE:FIJI VILLAGE
VITI FM:92.2/92.4/92.6/92 FM-E-KAMICA-QAI-KAJI
