Vakananumi ena noda vanua na International Anti-Corruption Day.
Written by Atu Kurumudu on December 8, 2023
Mai vulagi ena vakaribamalamala ena VitiFM na ivakalesilesi ni FICAC ko Inoke Drawe. E cavutu sara mai na koro ko Nabuna , Koro mai na yatu Lomai ka vasu sara ki Levukaidaku,Matuku ena yatu Lau.
Vakaraitaka tiko o Drawe ni na vakananumi tiko na International Anti Corrution Day ena i ka 9 ni Tiseba ena noda vanua kei ira talega na veimatanitu kara sema kina United Nations Convention Against Corruption.Rauta ni 150 vaka vakacaca na matanitu e vuravura era lewena tiko na isoqosoqo. Oqo na nodra semati kina na lewenivanua kei na tamata cakacaka ena kena sagai me valuti na cakacaka butobuto.
E dau veivakalolomataki na Corruption me vaka o kaya o Drawe , ni kunei ni dau yali tu ga vakasakasaka e rauta ni $1.3 na tirilioni nai lavo e dodonu meda mai vakacokotaki kina na iwasewase ni vuravura ka vakatokai na third world countries. Oqo na kena sagai me mai vakatoroicake taki na noda bula , me vaka na ta ni gaunisala , veika me baleta na tabana ni bula kei na vuli.
Veivakadreti o Drawe ka kaya, vei kemuni na cakacaka tu ena vei valenivolavola , kevaka koni raica ni sa yaco tiko na kisi ni veivaqumi se na cakacaka butobuto ka vica beka era lewena tiko edua nai lawalawa kara vodoka tiko na Kilavata Carrier , e tu vei kemuni na dodonu kei na galala moni laki biuta yani nomuni kudru kina valenivolavola ni FICAC. Ena maroroi na kemuni tukutuku ka vauci sara tu ga vakalawa , ke mani laki yaco sara kina mataveilewai.
Kuria ka kaya na wekada mai Nabuna , Koro ka vaka, ena tekivu ga na nodratou veivaqaqai kevaka e basika yani vei ratou na kudru. Tomana ka kaya ni sega ni vanua moni vakaraitaka kina nomuni kudru ena monalivaliva , se gauna ni gunu yaqona se cava tale. Kevaka eratou raica ni tiko na nomu kudru ena loma ni lawa eratou vauci kina , ratou na vakaraitaka vei iko ni ratou na vakayacora na nodratou veivaqaqai.
Rawa niko veitaratara vei ratou ena naba ni talevoni -1322 , nodratou katonimeli na Po Box 2335 se www.ficac.org.fj se gole kina nodratou valenivolavola.
Rawa talega moni sarava na video ni veitalanoa ena VitiFM Facebook page.
source:kurumudu
