VAKARAITAKA O TUDRAVU NI TUKUNA NA CHAIRMAN NI NATIONAL SECURITY COUNCIL KA PRIME MINISTER E LIU ME YAWAKA O TUKS NA KISI ME BALETI USP.
Written by Mika Qalobula on July 19, 2023
E sa mai vakaraitaka na Komisina vakatawa e liu ni Ovisa Rusiate Tudravu, nia tukuna vua na Chairman ni National Security Council ka Prime Minister e liu ena noda vanua,ni dodonu me yawaka mai o Tuks na veivaqaqai kina Univesiti ni Ceva ni Pasifika.
Ena kena rogoci tiko na kisi nei Voreqe Bainimarama kei Sitiveni Qiliho ena mataveilewai e Suva, ea qai tarogi ena mataveilewai o Tudravu se o cei e vakatokai tiko me o Tuks, ka tukuna o koya ni o Tuks, oya na Komisina ni Ovisa ,o Sitiveni Qiliho.
Sa qai tomana ka tukuna o Tudravu, ni oqo na yaca ka dau kacivi tu kina o Qiliho mai vei ira na vakai tutu cecere ena mataivalu kei ira era kilai koya, na Tuks, e vakalekaleka ni Tukai Turaga”.
E beitaki tiko o Bainimarama ena dua na cala ni nona saga me vakatao taka na nodratou cakacaka na tabana ni lawa, ka beitaki tiko o Qiliho ena dua na cala ni kena vakasabusabutaki na kaukauwa ni nona valenivolavola.
Sa na qai tomani tale tiko na nodrau veilewai ena siga ni mataka.
VITIFM 92.2FM/92.FM/92.6FM – E KAMICA QAI KACHI!!!
I VUREVURE – FIJI VILLAGE
Reader's opinions
Continue reading
