VAKATUTUTAKA NA FIJIAN TEACHERS ASSOCIATION ME VAKABERAI TALE MADA NA TEKIVU NI VULI ME 2 NA MACAWA.
Written by Maikeli Radua on December 30, 2021
Fijian Teachers General Secretary Paula Manumanunitoga.
Vakaraitaka na Vunivola ni Soqosoqo ni Qasenivuli ITaukei o Paula Manumanunitoga ni ratou sa vakatututaka oti kina Tabana ni Vuli ke rawa ni vakaberai tale mada na i tekivu ni vuli ena macawa mai qo me rua na macawa.
Kaya o Manumanunitoga ni sega ni yaga meda vakusakusa, me vakarautaki mada vakavinaka edua na i tuvatuva me baleti ira na gonevuli kei ira na qasenivuli ni bera ni da laivi ira na luveda mera gole ki koronivuli.
Sa dua na i wiliwili vinaka ni gone Year 12 kei na 13 era sa cula oti vakayarua ena Covid 19 Vaccine, ko ga e leqataki tiko ena gauna qo o ira na luveda ena Primary Schools era se bera tiko ni cula.
Na vuli e sa na tekivu tiko vei ira na kalasi 8 kina Year 13 ena Tusiti ni macawa mai na i 4 ni Janueri 2022, kei ira na gonevuli ena Early Childhood Education kina kalasi 7 era na qai tekivu vuli ena i ka 10 ni Janueri 2022.
Sa kerekere tiko o Manumanunitoga kivei keda na i tubutubu meda kauti ira na luveda mera laki cula ke sa donui ira na kena yabaki.
Vakarorogo tikoga mai ena Vitifm 92.2FM/92.0FM/92.6FM ena kena i tukutuku matata.
